अब ४ घन्टामै काठमाडौंबाट पूर्वी तराईको यात्रा (भिडियो) -

धुलिखेल–सिन्धुली–बर्दिबास सडकको निर्माण सम्पन्नः सिन्धुली, माघ ५ । अब राजधानी काठमाडौंबाट चार घन्टाको यात्रामा पूर्वी तराई पुग्न सकिने भएको छ । धुलिखेल–सिन्धुली–बर्दिबास सडकको निर्माण्कार्य सम्पन्न भइ सो सडकमा सवारी–साधनहरु समेत सन्चालन हुन थालेपछि काठमाडौं र पूर्वी तराईको यात्राको दुरी घटेको छ । अब काभ्रेको धुलिखेलबाट सिन्धुलीमाडी हुँदै महोत्तरीको बर्दिबास १ सय ५८ किलोमिटरको दुरी पार गरी ४ घन्टामै पुग्न सकिन्छ । जापान सरकारको आर्थिक तथा प्रविधिक सहयोगमा ६ वर्षको अवधिमा सडकको निर्माणकार्य सम्पन्न गरिएको हो । सडकको मूल ठेकेदार कम्पनीमा जापानस्थित हाजामा ताईसी र हाजामा एन्डो कम्पनी रहेका थिए भने कन्सल्टेन्टको रुपमा जापानको निप्पोन कोइ रहेको थियो । नेपाली ठेकेदार कम्पनीहरुमा श्रेष्ठ कन्स्ट्रकसन र स्वच्छन्द निर्माण सेवाले काम गरेका थिए । सडक निर्माणसँगै काभ्रेपलान्चोक, सिन्धुली, रामेछाप, महोत्तरीलगायत आधादर्जन जिल्लाका स्थानीय बासिन्दाहरु लाभान्वित भएका छन् । image khabar