हमालदेखि भट्टराइसम्म, आखिर किन पर्छ रेखाको वार

 ‘रेखा थापा कहाँको राजा हो र, उसका अन्डरमा बसेर काम गर्नुपर्ने ?’ आक्रोशित मुद्रामा निर्देशक श्याम भट्टराइले केही दिन अघि अनलाइनखबरसँग यस्तो प्रतिक्रिया दिएका थिए ।रेखा र श्यामको विवादले आ-आफ्नै कोणमा मिडियामा चर्चा पाइरहेको छ । श्याम रेखाका निक्कै नजिकका मित्र हुन् । रेखाले श्यामलाई भाइटिका पनि लगाइदिएकी थिइन् । तर रेखाकै ब्यानरमा काम गर्दा श्यामले नकारात्मक चर्चा बढि पाएका छन् ।उसो त रेखा थापाको युद्ध उनीसँग काम गर्ने कुनै न कुनै चलचित्रकर्मीसँग हुन्छ ।                  video click

स्वयंम निर्माता छविराज ओझासँग पनि रेखाको वैवाहिक जीवन टिक्न सकेन । अलग हुने समयमा रेखा र छविले एक अर्काको बिषयमा विभिन्न प्रकारले आरोप प्रत्यारोप गरेका थिए । लामो समयदेखि रेखा र राजेश हमालको सम्बन्ध गतिलो छैन । रेखाले राजेश हमालप्रति थुप्रै प्रकारले व्यङ्ग्य हान्दै आएकी छिन् । रेखा र राजेशले सँगै सिनेमामा काम नगरेको पनि धेरै भैसकेको छ ।राजेश हमालपछि अर्का स्टार नायक निखिल उप्रेतीसँग पनि रेखाको सम्बन्ध पानी बाराबारको अवस्थामा पुग्यो ।

निखिल र रेखाले एक साथ सिनेमा खेल्न त परको कुरा बोलचाल गर्न पनि छोडे ।रेखा फिल्मस्कै ब्यानरमा ‘हिम्मत’ र ‘किस्मत’मा काम गरेका अर्का नायक विराज भट्टसँग पनि रेखाको सम्बन्ध टिक्न सकेन । विराज र रेखाको वार आज पनि उस्तै छ । चलचित्र ‘काली’ चल्दा त रेखा र विराज एक अर्काको विरुद्धमा वाक युद्धमा नै उत्रिए । विराजको ‘दामिनी’सँग जुध्नु परेपछि रेखाले भट्टलाई फ्लब हिरोको संज्ञा दिइन् । विराजले पनि रेखालाई अशिक्षित भनिदिए ।विराजलाई क्याम्पबाट टाढा राखेकी रेखाले आर्यन सिग्देललाई पर्दाको जोडी बनाइन् । उसो त गसिप बजारमा यि दुई बिच रियल लाइफमा प्रेम चलेको हल्ला पनि चल्यो । तर आर्यनसँग पनि रेखा लामो समयसम्म सम्बन्ध प्रगाढ बनाउन असमर्थ भइन् । आज आर्यन र रेखा विचको सम्बन्ध धर्ती र आकाश जस्तै टाढा छ ।

रेखाको सम्बन्ध चलचित्रका नायकसँग मात्र होइन रंग पत्रकारसँग पनि विग्रियो । गाइजात्राको समयमा एक पत्रकारलाई कार्यलयमा नै पुगेर थप्पड हानेपछि उनी सर्वाधिक आलोचित बनिन् । चलचित्र ‘साथी म तिम्रो’को पत्रकार सम्मेलनमा शताब्दी शब्दको अर्थ नजान्दा पत्रकार हाँसेपछि रेखाले देखाएको व्यवहार सर्वाधिक आलोचनामा रहन पुग्यो ।काम पर्दा नजिकिने र प्रयोग पश्चात टाढा बनाइदिने रेखाको बानी रहेको चलचित्रकर्मीहरु बताउँछन् । आज रेखा निर्देशक श्याम भट्टराइसँगको सम्बन्धलाई पनि टाढा बनाउँदैछिन् । नाम चलेका कलाकार रेखासँग नजिक छैनन् । उसो त रेखाको सिनेमामा नायकको महत्व निक्कै कम हुन्छ ।

आफूसँग काम गरेपछि जो पनि चल्ने भनाई रेखाको पुरानो हो । यसैले पनि उनले स्टार हिरोहरुलाई मतलब नगरेका हुनसक्छ ।नयाँ हिरो भित्राउँदै जाने र काम गरेकासँग सम्बन्ध विगार्दै जाने रेखाको यो रोग कहिले सकिन्छ भन्न सकिने अवस्था छैन । तर पनि रेखा अभिनित चलचित्रले बक्स अफिसमा सफल व्यापार गरेका छन् । हिरो विना नै चल्न सक्छु भन्ने सोचाई बोक्ने रेखा अब निर्देशक विना नै सिनेमा सफल बनाउन सक्छु भनेर कस्सिएकी छिन् । 

-अनलाइनखबर