भर्खरै बिहे गरेको अर्थात् नवदम्पतीले कस्तो बेडरुममा सुत्नुपर्छ ? -

हिन्दु धर्ममा बिहेवारी गर्ने शुभ लगन माघ र फागुन महिना लाग्दैछ । यो बिहावारी हुने मौसममा बिवाहित नयाँ जोडीले आफ्नो औछ्याना कसरी लगाउने कस्तो कोठा हुनुपर्छ । त्यसबारे केही जान्न जरुरी छ । नवविवाहित दम्पतीले आफ्नो वैवाहिक जीवनलाई सुखमय र सफल बनाउन पनि यसको केही न केही भुभिका रहन्छ ।

यसका बारे वास्तु सिद्धान्तअनुसार आफ्नो बेडरुमलाई व्यवस्थित गर्न सके दाम्पत्य जीवनमा सकारात्मक प्रभाव पर्छ भनिएको छ । नवदम्पतीको शयनकक्ष दक्षिण(पश्चिम दिशास्थित नैऋत्य कोणमा हुनु उचित हुन्छ । 

यदि त्यो सम्भव नभए दक्षिण वा पश्चिम दिशामा पनि बेडरुमको व्यवस्था गर्न सकिन्छ । नवदम्पतीको बेडरुम पूर्वोत्तर दिशामा नहोस् भन्ने कुरामा ध्यान पुर्या्उनुपर्छ किनभने यो दिशामा जलतत्त्वको प्रमुखता हुन्छ । यो दिशा वंश वृद्धिका लागि अनुकूल मानिँदैन ।

 नवदम्पतीको बेडरुममा एक्वेरियम फाउन्डेसन राख्नुहुँदैन । सुत्दा उत्तर दिशातर्फ सिरानी हुनुहुँदैन किनभने एक समान चुम्बकीय धु्रव (पृथ्वीको उत्तरी धु्रवको चम्बुकीय शक्ति एवं शिर जुन मानव शरीरको उत्तरी धु्रव हुन्छ० परस्पर विकर्षण हुन्छ । फलस्वरूप सुत्दा बाधा उत्पन्न हुनसक्छ । बेडरुमको भित्ताको रंग मनलाई प्रफुल्लित गर्ने खालको, हल्का उज्ज्वल हुनुपर्छ, जुन दम्पती दुवैलाई मनपर्ने होस् । यहाँ फिक्का खालको रंग प्रयोग गर्नुहुँदैन । 

नवदम्पतीको कोठामा कालो, गाढा खैरो रंग प्रयोग गर्नुहुँदैन । हल्का गुलाबी, हल्का पहेँलो, प्याजी,रातो एवं सुन्तलारंगको प्रयोग उचित हुन्छ । बेडरुमको सजावटमा उदाउँदो सूर्य, बगैंचा, फूल, खेलिरहेका बालबालिका आदिको पोस्टर उपयुक्त हुन्छ । नवदम्पतीको कोठामा हल्का वुडवर्क एवं फर्निचर प्रयोग गर्नुपर्छ । पति(पत्नीको तस्बिरलाई कोठाको दक्षिण दिशाको भित्तामा सजाउनुपर्छ, यसबाट आपसी प्रेम, सद्भावना र एक(अर्काप्रति उत्तरदायित्वको भावनामा वृद्धि हुन्छ । 

बेडका सामु ऐना राख्नुहुँदैन,यसबाट दाम्पत्य जीवनमा समस्या आउने सम्भावना रहन्छ । यदि बेडरुममा ऐनाको आवश्यकता भए त्यसलाई सधै पूर्व वा उत्तर दिशाको भित्तामा राख्नुपर्छ । यदि कुनै कारण वा स्थितिले बेडरुम अगाडि नै ड्रेसिङ टेबल परे सुत्नुपूर्व ड्रेसिङ टेबलको ऐना छोपिदिनु उचित हुन्छ ।

 बेडरुममा शोकेस, क्याबिनेट, कबर्ड आदि स्टोरेजका लागि प्रयोग हुने कुनै पनि सामानलाई कोठाको दक्षिण वा पश्चिम दिशाको भित्तातिर राख्नु उपयुक्त हुन्छ । एटेच बाथरुमको ढोका सधै बन्द रहोस् तथा कमोडको कभर छोपिएको होस् भन्ने कुरामा ध्यान पुर्याउनुपर्छ ।