सामसुङको स्मार्टवाच, जसले मुटुको धड्कनदेखि निद्राको स्तरसम्म नाप्छ

सामसुङले स्मार्टवाच गियर २ बजारमा ल्याएको छ । स्मार्टघडीको बजारमा उत्रने उसको यो दोस्रो प्रयास हो ।

सामसुङले गियर २ को एक नयाँ मोडल गियर २ नियो पनि ल्याएको छ । यो स्मोर्टवाचमा मुटुको धड्कनका साथै व्यायाम, निन्द्रा र तनावको स्तर नाप्ने उपकरण पनि छ ।

यो घडी गुगलको एन्ड्रोएड सफ्टवेयरको सट्टा टाइजेन ओएसमा चल्छ, जुन नयाँ मोवाइल अपरेरिटङ सिस्टम हो । सामसुङको यो कदमलाई गुगलको प्लेटफार्मलाई छोड्ने एक व्यापक रणनीति र यो सर्च इन्जिनको उपात्पादनमाथिको निर्भरता कम गर्ने प्रयासका रुपमा हेरिएको छ । टाइजेनमा हाल सीएनएन, ईबे र पेपाल जस्ता एप उपलब्ध छन् ।

सामसुङको स्मार्टवाचको पहिलो संस्करण भने मानिसहरुले धेरै रुचाएको पाइएन् । स्मार्टवाच गियर २ र नियोको व्याट्रीको लाइफ राम्रो मानिएको छ ।

सामसुङले २÷३ दिनसम्म व्याट्री ब्याकअप हुने बताएको छ । यसअघिको स्मार्टवाच भने हरेक रात चार्ज गर्नु पर्ने थियो । गियर २ मा क्यामेरा मुख्य भागमा राखिएको छ भने नियोमा क्यामरा छैन । यसको वजन भने १३ ग्राम छ । सामसुङले यो दुबै स्मार्टवाचलाई ‘फ्रिडम एण्ड स्टाइल’को रुपमा पेश गरेको छ ।