बलिन्धारा आँसु झार्दै रविताले भनिन् “श्रीमानको मर्ने दिन आएको हैन पुलीसले मारेको हो”(भिडियो)

एक महिना अघि काभ्रेको जिरोकिलोमा मृत अवस्थामा फेला परेका भनिएका ज्ञानीराजा ठकुरीकी श्रीमतीले आफ्ना पतिको मृत्यु नभई हत्या गरिएको दाबी गरेकी छिन् । आज रिर्पोटस् क्लबमा बलिन्धारा आँसु झार्दै श्रीमती रविता ठकुरीले आफ्ना लोग्नेको प्रहरी संलग्नतामा योजना नै बनाएर हत्या गरिएको बताइन् । ज्ञानीराजा ठकुरीको लास पुस १८ गते मृत अवस्थामा फेला परेको थियो । 

ठकुरीकी श्रीमतीले पाँचखालका प्रहरी नायव निरीक्षक बाबुराम झा सँग भएको सामान्य वादविवादकै कारण प्रहरीले हत्या गरेर दुर्घटनाको कीर्ते प्रतिवेदन तयार गरेको उनले दाबी गरिन् । उनले एक महिनाअघि प्रनानी झा सँगको मोटरसाइकलको हेलमेट विवादकै कारण प्रहरीले पतिको हत्या गरेको दाबी गरिन् । त्यस्तै मृतकका बुबा हरिकुमारले आफुहरुले किटानी जाहेरीदिँदा समेत प्रहरीले दर्ता गर्न नपानेको आरोप लगाए । 

कानुनी राज्य स्थपाना गरी जनताको जीउधनको सुरक्षाको जिम्मेवारी लिएको प्रहरीले नै आफ्नो छोराको हत्या भएको दावीगर्दै मृतककी पत्नी रविताले घटनामा काभ्रे जिल्लाका एसपी पुजा सिंह चढ्ने गाडीको समेत प्रयोग भएको दावी गरिन् । यसैबिच मुचुल्कामा हस्ताक्षर गर्ने मध्येका गणेश सापकोटाले आफूहरुले दुर्घटनामा मृत्यु भएको नदेखेको बरु प्रहरीले घरको ढोकामा बोलाएर कागजमा सहीछाप गराएको दावी गरे । 

गत पुस १८ गते राति ९ः३० बजे घरबाट निस्केका ठकुरीको सोहीदिन राति जिरो किलोमा शंकास्पद रुपमा मृत अवस्थामा फेला परेका थिए । घटनामा प्रहरीले स्थानीयबासीलाई समेत थाहानदिई शव उठाएर राजधानी पठाउनुले घटनाका विषयमा थप शंका पैदा भएको छ ।