यु-१४ एएफसी च्याम्पियनसिप फुटबलमा नेपालद्वारा भारत पराजित

८ चैत, काठमाडौ । श्रीलंकामा जारी १४ वर्षमूनिको एएफसी च्याम्पियनसिप छात्रा फुटबलमा नेपालले लगातार तेस्रो जित दर्ता गरेको छ । तपाई ले खोजेको विडियो हेर्न यहाँ click गर्नुहोस्

शनिवार भएको खेलमा चिरप्रतिद्वन्द्वी भारतलाई ४-० ले पराजित गर्दै नेपाली चेलीले तेस्रो जित दर्ता गरेका हुन् ।

 खेलको १६ औँ मिनेटमा भावना मुखियाले गोल गर्दै नेपाललाई अग्रता दिलाइन् । यस्तै अर्को गोल खेलको १८ औँ मिनेटमा अलिशा जिम्बाले गरिन् ।

खेलको ३३ औँ मिनेटमा नै रेखा पौडेलले गोल गर्दै पहिलो हाफमै ३-० को अग्रता दिलाइन् । खेलको दोस्रो हाफमा मिथिला कुमारीले गोल गर्दै नेपाललाई ४-० को जित दिलाइन् ।