हवाईजहाजका झ्यालमा अब लाइभ टीभी !

 अब हवाईजहाजमा झ्यालको सट्टा एक पातलो तर, विशाल स्क्रीन जोडिने भएको छ ।

 जहाँ बिमान उड्दै गरेका क्षेत्रको दृष्यहरु स्क्रिनमा लाइभ हेर्न पाइनेछ । 

बाहिरको दृश्य यात्रुहरुलाई देखाउन प्लेनको बाहिर क्यामेरा हुनेछ ।

 एक अमेरिकी कम्पनीले बनाइरहेको सुपर सोनिक बिमानमा यस्तो सुबिधा राख्न थालिएको छ । 

 यो सुपर सोनिक विमानको मूख्य विशेषता भनेको यात्राको समय आधा कम गर्ने हो । 

अर्थात हाल ६÷७ घण्टामा हुने न्यूयोर्क लण्डन यात्रा ३/४ घण्टामै हुनेछ । स्पाइक एयरोस्पेस कम्पनीले सुपर सोनिक जेट विमानको डिजाइन बनाइरहेको छ । 

कम्पनीका अनुसार यसलाई परिर्वतन गरेर एयरक्राफ्ट बनाउन पनि निकै सहज हुनेछ । एस–५१२ सुपर सोनिक जेट विमान २०१८ सम्ममा उडान सुरु गर्ने कम्पनीको तयारी छ । यसमा १८ यात्रु हुनेछ ।