अब बच्चाको ‘आची’बाट स्वास्थ्यबर्द्धक ससेज

तपाईले घरमा वा रेष्टुँरामा सेसज धेरैपटक खानुभएको छ होला । तर, के तपाईले कहिले सोच्नुभएको छ कि, बच्चाको आचीबाट यस्तो स्वादिष्ट ससेज तयार हुन्छ ? यो कुनै कल्पनाको कुरा हैन, हालै बैज्ञानिकहरुको एक समूहले लामो अध्ययनपछि निकालेको निष्कर्ष हो ।

 स्पेनका बैज्ञानिकहरुले बच्चाको आचीमा पाइने ब्याक्टेरियाको प्रयोग गरी स्वास्थ्यबर्द्धक सेसज बनाउन सकिने तथ्य पत्ता लगाएका छन् । ससेजमा स्वास्थ्यका लागि लाभकारी ब्याक्टेरिया हुन्छन् । कतिपय मासुमै यस्ता ब्याक्टेरिया पाइन्छन भने कतिपय उत्पादनका बेला त्यसमा थपिन्छ । लाभकारी ब्याक्टेरियाको सन्तुलित प्रयोगले दीघार्य हुने र क्यान्सरजस्ता रोग लाग्न बचाउने तथ्य बिभिन्न समयमा भएका अनुसन्धानबाट पत्ता लगेको छ ।